Search

অবাটৰ সপোন

জুলি কোঁচ


সময়বোৰ অবাটে বুলিছেনে

সপোনবোৰ অবাটৰ পৰা বুটলিছো‍ঁ

বুজাটো যেন দুৰূহ

অসন্তুষ্টিৰ হুমুনিয়াহবোৰ বাটে ঘাটে শুনিছোঁ

সুখত হাঁহি নাই দুখত চকুলো নাই

আপেক্ষিক অনুভৱ মাথোন

ভোগত সন্তুষ্টি নাই

বিলাসত প্ৰশান্তি নাই 

দৌৰিছোঁ দৌৰিছোঁ উৰিছোঁ

ভৰিৰ তলত মাটি নাই চকুৰ আগত বাট নাই

অবাটৰ সপোন বুটলি ঢপলিয়াইছোঁ

শান্তি প্ৰশান্তি বিচাৰি হাবাথুৰি খাইছোঁ

ভাগৰুৱা হুমুনিয়াহবোৰ বুকুত কঢ়িয়াই 

উশাহবোৰ গধুৰ কৰিছোঁ

অসুখত কোঙা হৈছোঁ

আপোন সপোন হেৰুৱাই

নিজৰ শৰাধ নিজেই পাতিছোঁ।


::x::x::x::


[Disclaimer: The opinions expressed in our Blog are those of the author(s) / poet(s) and do not necessarily reflect the opinions of the Publisher.]

102 views0 comments

Recent Posts

See All