Search

কথাবোৰ দেখোন তেনেকুৱাই

কিশোৰ দাস



দৌৰি গৈ কেৰ্কেটুৱাটোৱে

তামোল এটাত কামুৰিবলৈ লওঁতেই

থোপাটোৰ পৰা থল থলকৈ

পাঁচটামান তামোল সৰি পৰিছিল

তামোল এটা কাটি

পূৰঠ পাণ এখিলাৰে

তাকৰকৈ চূণ লৈ

আমিও চোবাই আছিলোঁ ভণ্ড অতীত

গিলি আছিলোঁ ভণ্ড বৰ্তমান

আৰু পাগুলিয়াই আছিলোঁ ভণ্ড ভৱিষ্যৎ

ন পানীৰ মাছ যেন জীৱটো

যাওঁ যাওঁ হৈছিল চুৱাপাতনিৰ পানী পৰি

পিছল হোৱা বাটটোৰে যমৰ ভাত খাবলৈ

ধ্বজভংগ ঘটাৰ পিছত

ধ্বজদণ্ড হাতত লৈ আগুৱাই

পিছত পৃষ্ঠপ্ৰদৰ্শন কৰাতকৈ

নামাতি ৰণত জিকি

পৃষ্ঠস্তৰ মৃত্তিকাত কোৰ মাৰিবলৈ

আমি এতিয়া সাজু

শেষত নিজকে বুজাই নিজেই বুজিলো

ভলুকা বাঁহজোপাৰ তলত হোৱা বাবেই

হয়তো বাঢ়িব নোৱাৰিলে

দেউতাই ৰোৱা চেনীচম্পা কলজোপা।

::x::x::x::

Poet Kishor Kr. Das

hails from Alokpur

in Nalbari, Assam




[Disclaimer: The opinions expressed in our Blog are those of the author(s) / poet(s) and do not necessarily reflect the opinions of the Publisher.]

30 views