তোমালৈ মোৰ মনত পৰে
বিজয় এ চাংমা
নতুন বছৰৰ নতুন দিনত
অৰুনোদয়ৰ সোণালী কিৰণৰ
খিলখিলিয়া হাঁহি দেখি
তোমালৈ মোৰ মনত পৰে৷
ৰাতিপুৱা, শীতৰ পৰশ লগা
সেউজ বাগিচাৰ দলিচাত,
হিম পৰা দুবৰি দেখি
তোমালৈ মোৰ মনত পৰে৷
আবেলিৰ বেলি ডুূবাৰ পৰত
স্নিগ্ধ সাগৰৰ নীলাত,
সূৰ্য্যৰ হেঙুলীয়া ৰঙ দেখি
তোমালৈ মোৰ মনত পৰে৷
সন্ধিয়াৰ নীলিম আকাশ তলত,
মনৰ মাজত থকা ছবিখন
কল্পনাৰ পৰা যেতিয়া ওলাই আহে
তোমালৈ মোৰ মনত পৰে৷
নিৰ্মেঘ ৰাতিৰ আকাশত,
থুপিতৰাৰ জাকে জাকে সজা
তৰালিৰ চাদৰখন দেখি
তোমালৈ মোৰ মনত পৰে৷
হিম চেঁচা বতাহজাকৰ
স্মৃতিৰ মধুৰ সুবাসে
যেতিয়া মোৰ উশাহ স্তব্ধ কৰে,
তোমালৈ মোৰ মনত পৰে৷
তোমালৈ মোৰ মনত পৰে৷
::x::x::x::
Poet Bijoy A Sangma
is an MBA in Entrepreneurship,
Business Management & Strategy
and currently lives in Hyderabad, Telangana
[Disclaimer: The opinions expressed in our Blog are those of the author(s) / poet(s) and do not necessarily reflect the opinions of the Publisher]